حمزه علوي: پاڪستان جي مشهور تاريخ نويس ۽ دانشور حمزه علوي جو جنم، 10 اپريل 1921ع تي ڪراچيءَ ۾ ٿيو. هن سنڌ مدرسة الاسلام ڪراچي، ڊي. جي. ڪاليج ڪراچي، واڊيا ڪاليج پونا ۽ بمبئي يونيورسٽيءَ مان تعليم حاصل ڪئي. هن ايم. اي (معاشيات) مسلم يونيورسٽي علي ڳڙهه مان ڪئي. پاڪستان جي قيام کانپوءِ هو اسٽيٽ بينڪ آف پاڪستان سان واڳيل رهيو. 1950ع ۾ انگلنڊ هليو ويو، جتي تدريس جي شعبي سان لاڳاپيل رهيو. يونيورسٽي آف ڪيليفورنيا، لاس اينجلس، يونيورسٽي آف ڊينيور، يونيورسٽي آف ليڊرز، يونيورسٽي آف ملائيشيا، ڪولا لمپور ۽ مشي گن اسٽيٽ يونيورسٽيءَ ۾ ليڪچرار طور فرض سرانجام ڏيندو رهيو. 1968ع کان 1969ع دوران هن پنجاب جي هڪ ڳوٺ ۾ اينٿراپالاجي فيلڊ ۾ ريسرچ ڪئي. 1971ع کان 1985ع تائين جرنل آف ڪنٽيمپرري ايشيا جي ادارتي بورڊ جو باني رڪن رهيو. ان دوران جنرل آف پيزنٽ اسٽڊيز ۽ پاڪستان ٽوڊي سان به لاڳاپيل رهيو. هن قديم آثارن، تاريخ ۽ مارڪسي نظريي جي موضوعن تي اخبارن ۾ ڪيترا ڪالم لکيا. سندس ٻه ڪتاب (1) ’جاگيرداري سماج اور پاڪستان‘ ۽ (2) ’رياست ڪا بحران‘ شايع ٿيل آهن. هن پهرين ڊسمبر 2003ع تي وفات ڪئي.
1921.04.10 عيسوي
پاڪستان جي مشهور تاريخ نويس ۽ دانشور حمزه علوي جو جنم، 10 اپريل 1921ع تي ڪراچيءَ ۾ ٿيو.
2003.12.01 عيسوي
حمزه علوي پهرين ڊسمبر 2003ع تي وفات ڪئي.